منتدى الاصدقاء

رسمنا التميز بعيون رومنسية
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 لكل فلسطيني عربي

اذهب الى الأسفل 
كاتب الموضوعرسالة
الشفق الباكى
مشرفة قسم الشعر والخواطر
مشرفة قسم الشعر والخواطر
avatar

عدد الرسائل : 328
العمر : 32
العمل/الترفيه : موظفة
السٌّمعَة : 0
تاريخ التسجيل : 02/11/2007

مُساهمةموضوع: لكل فلسطيني عربي   الجمعة نوفمبر 23, 2007 2:38 am



تاريخ الحارة الفلسطينيه

اليوم راح أخبركم عن حكاية
حكاية حارتنا

وحكاية غير عن كل الحكايات
هيّه حارة غير عن كل الحارات...
شو رأيكم إخوتي وأخواتي في الله تدخلوا لتشوفوا هالقصة

كان يما كان
كان في هناك
الشاطر هنية و الشاطر عباس
كانوا الاتنين إخوة
من إم اسمها فلسطين ..
و الاب هويته العروبه الاسلاميه ..


كبرو هالإخوة وصاروا كبار ..
كبروا كتر خير الله والحمد لله و بلغو مبلغ الرجال ..!
لاقوا الوطن ضايع ومجروح ..
مشيو ..


في طريق الوطنية و كل واحد حطلو بصمة ..
ما شاء الله ..
وكل واحد إختار اسم له
هنية كان ابن الياسين وسمى نفسه حماس

والأخ التاني كان ابن أبو عمار و سمى نفسه فتح
كان هدفهم واحد
ووطنهم واحد
ودينهم واحد
وغايتهم وحده بس كل واحد إختار دربه

لف الزمان ..
و صار كل واحد عقيد حارة ..
وكل واحد منهم بعد موت الياسين والياسرصار قائد حركتهوكل]
واحد كان عندوا جنود... جنود للدفاع عن الوطن
هيك كان هدفهم
وهذا كان حلمهم
و في يوم من الايام
دخل بينهم الشيطان
و صار هالاخوة اعداء

صحينا لقينا باب الحارة مفتوح
و الحارس مقتول
و لا حول و لا قوة الا بالله

تحول هنية وعباس من إخوة متحابين لإخوة مختلفين...وبدأ الصراع
والبنادق التي كانت مفروض تكون في وجه العدو
صارت كل بندقية تتوجه في وجه أخوها التاني
وبدل ما يموت العدو صاروا يموتوا الأحباب

وصار كل واحد يوقف للتاني
صارت بنادقهم تتوجه صوب
قلوب بعضهم
و كل واحد فيهم للتاني يتربص ويوقف له
صارو عن بعض اغراب
و الوطن بصرخ مجروح....دمي ينزف مين يوقفه يا إخوة
و كل كلمة صار إلها ألف معني و حساب وصار الخوف موجود في قلوب الأحباب والأهل مزروع
<hr style="COLOR: #cacfe8" SIZE=1>


و صارت كل إم تبكي على ولدها إلي ضاع كل صباح وكل مساء
صرنا بس نسمع صوت الرصاص
والحقد مليان بقلوب الناس
صار الكل يبكي دم بدل الدموع شو إلى صار لك يا بلدي
وصارت فلسطين تنزف... وتنزف.... مين يوقف النزيف


هلأ نسينا الوطن و القضية و همونا و دمنا ..
ونسنا القدس بتصرخ وينك يا أولادي
اليهودي عم بقطع في أوصالي
بكفي ولا تزيدوا لي همي
أنا مدبوحه من الوريد للوريد

ولا العدو خلص لنبدأ ..
تصفاية الحسابات ..
قولولي ..
كيف الله بدو ينصرنا علي العدو ..
اذا صرنا نحنا في بعض مش إخوة تمام ..!!

شو ما بتعرف يا ابن القسام وابن الفتح وابن الجهاد وابن الشعبية ... يا ابن فلسطين
يا ابن فلسطين العريبة
إنو اليهود ما قدروا يفرقونا لنفرق حالنا بإيدينا
انوا لمّنْ بموت اخوك و صاحبك و حبيبكـ ..
انوا انتا ..
قتلت امك في اليوم الاف المرات ..!!



ونسيتوا الجرح الأساسي
نسيتو هلأ القدس ونسينا فلسطين..
شو انسيتوا إنوا دمكم واحد
اصحوا دمكم واحد يا فلسطينية
ما في حد أحسن من حد
فلسطين فيها الصغير والكبير وفيها نساء وأمهات وكهول
شو اعملتوا فينا بغضبكم هاد
شو حنستفيد
نحنا أولاد وطن واحد إنولدنا من أرض وحده يا ابن الضفة ويا ابن غزة ويا ابن ال49 ويا ابن ال67
شو صرنا هلأ نشتري بدمنا كل شي!!
هلأ صار الدم رخيص من غير ثمن..!!
لا وألف لا مازال الدم الفلسطيني أغلى دم
ولسه الفلسطيني مجدوا عالي


عزك يا فلسطين ما مات
والغاب عنك بدوا يرجع بإذن رب العباد

الله على أيام زمان لما كان إخواننا الفلسطينية المقاومين بجد....
يقتلوا يهودي شو كنا نعمل الكل كان يصفق بكف ويد وحده
بس لما اليد الفلسطينية تتحول من يد مقاومة ليد غادره تقتل أخوها
يا حيف على الرجال...!!!
لقد جعلتموني أتذكر..!!
بقابيل و هابيل ..
فعلا التاريخ يعيد نفسه والزمن يدور ويدور..

صدقوني أنا بكتب وأنا بتوجع وقلبي مقهور قلمي ما بساعدني على الكتابة وعيوني ما بدها توقف..!!!
وأنا ما كتبت هاد الشي إلا لأنو الوضع زاد عن حدوا

علي هالحال بتبكي ملائكة السمااا ..
و اهتز عرش الرحمن ..!!
لأنكم بتقتلوا كل يوم انسان
//
بدي من كل فلسطيني يفكر في إلي عم بصير والتاريخ يتذكر كل حاجه بتصير هلأ

وما حد حيرحمنا لما بكره يحكوا شوفوا فلسطين شو عم بصير فيها

بكره الكل راح يندم لأنا إخوة ودمنا واحد
كفاكم حبا بالله ..
(( فوقوا - اعقلوا - افهموا.. ))
فما يحدث الان بنا فعل اغتصاب العدو علينا ..!!

و ان ..
ظل حالكم علي هالحال ..
غزة تضيع منا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلب انسان
(Admin)
(Admin)
avatar

عدد الرسائل : 497
العمر : 34
السٌّمعَة : 0
تاريخ التسجيل : 02/11/2007

مُساهمةموضوع: رد: لكل فلسطيني عربي   الجمعة نوفمبر 23, 2007 3:11 am

السلام عليكم ورحمة الله وبركاته
موضوع جميل جدااا,, ومميز

يحكي قصتنا الحزينة
متى سنصبح يدا واحدة ؟؟
فليمسك كل منا يد اخوه الفلسطيني ونشد على ايدينا
فبالوحدة تعم الطمأنينه ،، الامان ،، الأخوّة والحب والحنان
فلنقف أمام أعادينا ،، وقفة رجل واحد
ولنضربهم ضربة رجل واحد.
يؤسفني حقا حال الفلسطينيين
يقتلون بعضهم ،، يسمعون كلمة عدوهم
اللهم حرر فلسطين من أيدي الاعداء الغاصبين
وانصر الفلسطينيون على من عاداهم ،، واهدهم الى سبيل الرشاد
اللهم آمييييين


بارك الله فيكي على الموضوع المميز


_________________
العاب جي ون
http://11g11.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slam.montadarabi.com
أميرة الأحلام
نشيط
نشيط
avatar

عدد الرسائل : 100
العمر : 30
السٌّمعَة : 0
تاريخ التسجيل : 05/11/2007

مُساهمةموضوع: رد: لكل فلسطيني عربي   الجمعة نوفمبر 30, 2007 9:15 pm

مشكورة حبيبتى على موضوعك الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لكل فلسطيني عربي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: المنتدى الفلسطيني ::  قسم القضايا الفلسطينية-
انتقل الى: